Хөдөө орон нутгаас Улаанбаатар хотод хүндэтгэх шалтгааны улмаас ирж хөл хорионд ороод байгаа олон мянган иргэд байгаа талаар Улсын онцгой комиссоос мэдээлсэн. Эдгээр иргэдийн зарим нь очих газаргүйгээсээ болж машиндаа 10 гаруй хоносон тухай мэдээлэл ч цацагдсан.
Тэгвэл "Алтан дорнод Монгол" ХХК-ийн Ерөнхий захирал Т.Ганболд өвчний шалтгаанаар орон нутгаас ирэн Улаанбаатарт хөл хорионд орсон 100 иргэнд өөрийн КОРПОРЭЙТ КОНВЭНШН зочид буудалдаа өрөө гаргаж өгч тусалъя хэмээн мэдэгджээ.
Тэрээр энэ талаар, “Өвчин хуучтай хөдөөнөөс ирээд гацсан,орох оронгүй, шинжилгээ нь СӨРӨГ байгаа хүмүүсийг хөдөлгөөн нээх хүртэл авъя. Гадны тусламж, төсөв бүрдүүлдэг иргэдийнхээ хоолыг төр даах уу? Зөвшөөрөл шаардах уу? 100 өрөө гаргая” хэмээн жиргэжээ.
Түүний энэхүү жиргээнд Чингэлтэй дүүргийн засаг дарга Т.Батсүмбэрэл, "Манай дүүрэг, 15-р хороонд Мөнгөнморьтоос хүүхдүүдээ үзүүлэх гэж ирсэн нэг өрх машинд хонож байгаа. Явуулчих уу? Шинжилгээгээ өгсөн, сөрөг гарсан” гэх үгийг дайжээ.
ЭХ СУРВАЛЖ: NEWSTV.MN
Сэтгэгдэл (79)