Иргэний зориг ногоон нам (ИЗНН) хамтарсан Засгийн газраас гарахаар болсныг УИХ-ын гишүүн М.Нарантуяа мэдээлэв. Тэрээр намын дарга Б.Батбаатартаа талархал илэрхийлж, “нэр төдий хамтарсан засагт цаашид оролцох шаардлагагүй” гэсэн байр суурийг онцоллоо.

“АН засгаас гарлаа гэж зарладаг ч үнэндээ бүх яаманд өөрийнхөө хүмүүсийг шахсаар байгаа. Ийм дүр эсгэсэн шинэ хамтарсан засагт ИЗНН байх шаардлагагүй. Ер нь яамдад төрийн хулгай газар авсан мэт харагдаж байна. Засгаас гарсан мэт жүжиглэж буй АН-ынхан ардчиллын дүрд тоглохоо болих хэрэгтэй” гэж тэр мэдэгдэв.

Иргэний зориг ногоон намаас тус намын дарга, УИХ-ын гишүүн Батын Батбаатар Г.Занданшатарын Засгийн газарт Байгаль, орчин уур амьсгалын өөрчлөлтийн сайдаар томилогдон ажиллаж байгаа юм.