Өнгөрөгч амралтын өдрүүдэд “Баянгол дүүргийн иргэдийн спортын 11-р наадам” нэртэй арга хэмжээ зохион байгуулагджээ. Харамсалтай нь энэхүү спортын тэмцээн уралдааны үеэр нэгэн иргэн зуурдаар нас барсан байна. Тодруулбал, тус спорт наадамд оролцож байсан БГД-ийн 21-р хорооны харьяат 40 настай иргэн “н” нь тархин тус газраа гэмтэл авсны улмаас газар дээрээ нас баржээ.

Энэхүү спорт наадам нь дүүргийн Засаг даргын үйл ажиллагааны хөтөлбөрийг хэрэгжүүлэх арга хэмжээний хүрээнд жил бүр тогтмол зохион байгуулагддаг бөгөөд энэ жилийн спортын наадмыг зохион байгуулахад  Баянгол дүүргийн Засаг даргын үүрэг гүйцэтгэгч Д. Жаргалсүрэн, Нийгмийн хөгжлийн хэлтсийн дарга С. Мөнхзаяа, Биеийн тамир, спортын хорооны дарга Г. Батбаяр нар голлох үүрэг гүйцэтгэж оролцсон гэх мэдээлэл байгаа юм.

Энэ тухай дэлгэрэнгүй мэдээллийг тун удахгүй үргэлжлүүлэн хүргэх болно.