Цагдаагийн байгууллагаас Сэлэнгэ аймгийн нутаг Ерөө голын сав газарт ашигт малтмалын тусгай зөвшөөрөлгүй хууль бусаар алт ухаж, байгаль орчинд ноцтой хохирол учруулсан нэр бүхий иргэдийг шалгаж эхэлжээ.
Уг иргэдийг энэ оны 11 сард цагдаагийн байгууллагаас баривчлан, хууль бусаар олборлосон 5 кг орчим алтыг нь хураан авчээ.
Улмаар тус уурхайн үйл ажиллагааг зогсоож, газар ухахад ашиглаж байсан техник, тоног төхөөрөмжийг битүүмжилсэн байна.
Хууль бусаар ашигт малтмал олборлосон иргэн “Д”, “Г” нар нь өмнө нь энэ төрлийн гэмт хэрэг үйлдэж шүүхээс ял шийтгүүлж байсан талаар эх сурвалж мэдээллээ.
Уг этгээдүүд нь тухайн орон нутгийн Байгаль хамгаалагч, хууль хяналтын байгууллагын эрх бүхий албан тушаалтнуудтай хуйвалдан Ерөө голын сав газар болон Экологи эдийн засагт онц хэмжээний хохирол учруулсан байна.
Мөн иргэн “Д”, “Г” нар нь Сэлэнгэ аймгийн нутаг дэвсгэрт хууль бусаар алт олборлох үйл ажиллагааг тогтмол зохион байгуулж, их хэмжээний ашиг олон түүгээрээ Улаанбаатар хотод олон тооны үл хөдлөх хөрөнгө, өндөр үнэтэй автомашинууд худалдан авч мөнгө угаах гэмт хэрэг үйлдсэн гэж хууль, хяналтын байгууллагаас үзэж байгаа аж.
ЭХ СУРВАЛЖ: NEWSTV.MN
Сэтгэгдэл (4)