"Зөв ХҮН электорат" эвслээс Монгол Улсын Ерөнхийлөгчийн сонгуульд нэр дэвшигч Д.Энхбат коронавирусийн халдвар авсны улмаас төлөвлөсөн уулзалтуудаа цуцалж, сонгуулийн сурталчилгаагаа зогсоож байгаагаа өнөөдөр мэдэгдсэн.

Уг үйл явдалтай холбогдуулан ХҮН-ын дарга Т.Доржхандын зүгээс Монгол Улсын Ерөнхийлөгчийн сонгуульд МАН, АН-ын нэр дэвшигчдэд хандан сонгуулийн сурталчилгаагаа зогсоож сурталчилгааг цахимаар явуулахыг уриалсан юм.

Тэгвэл уг уриалгыг МАН хүлээж авч буйгаа мэдэгджээ. Энэ талаар МАН-ын ерөнхий нарийн бичгийн дарга Д.Амарбаясгалан, "МАН-ын зүгээс ХҮН-ын уриалгыг хүлээн авч коронавирусийн халдварын эрсдэл нэмэгдэх аливаа хэлбэрийн сонгуулийн сурталчилгааг өнөөдрөөр зогсоож байна. Цаашид зөвхөн цахимаар болон хэвлэл мэдээллийн сувгаар сурталчилгааг үргэлжлүүлнэ" хэмээн цахим хуудастаа бичжээ