О.Цогтгэрэл даргатай АН-аас Н.Алтанхуяг, Д.Ганбат, С.Ганбаатар, Х.Тэмүүжин нарын дөрвөн хүн Монгол Улсын Ерөнхийлөгчийн сонгуульд нэр дэвших хүсэлтээ илэрхийлэн, намынхаа дотоод сонгуулийн хороонд өчигдөр /2021.04.30/ бүртгүүлсэн.

Тэгвэл өнөөдөр Хууль зүйн сайд асан Х.Тэмүүжин О.Цогтгэрэлийн АН-аас Ерөнхийлөгчийн сонгуульд нэр дэвшигчийг тодруулах сунгаанаас нэрээ татаж байгаагаа мэдэгджээ.

Тэрбээр энэ талаар, “Дүрмийн бусаар зохион байгуулагдаж буй сунгаанаас АН-ын гишүүн Х.Тэмүүжин би нэрээ татаж  байна. Дотроо дүрмээ мөрдөж чаддаггүй хүмүүс гаднаа хуулиар улс орон авч явж чадахгүй” гэсэн байна.