Голомт банкнаас санаачлан зохион байгуулж буй “Дижитал Дархан-2023” арга хэмжээ яг одоо “Залуучууд” театрт болж байна. Уг арга хэмжээнд программ хангамж, боловсрол, санхүү, харилцаа холбоо, худалдаа, үйлчилгээний чиглэлээр үйл ажиллагаа явуулдаг 30 гаруй байгууллагын нээлттэй бүүтүүд ажиллаж, ирсэн зочдод технологид суурилсан өөрийн үйлчилгээг танилцуулж байна.

Та арга хэмжээнд хүрэлцэн ирснээр:

• Өөрийн бизнесийн хамтрагчийг олох
• Шинээр гарсан олон стартап, үйлчилгээтэй танилцах, хэрэглэгч болох
• Оролцогч байгууллагуудаас хөнгөлөлт эдлэх
• Чадварлаг мэргэжилтнүүдийн илтгэл, хэлэлцүүлгийг сонсох зэрэг боломжуудыг олж авах болно.

“Дижитал Дархан-2023” нь МАРГААШ үргэлжлэн зохион байгуулагдах тул та бүхнийг арга хэмжээнд гэр бүлээрээ хүрэлцэн ирж, амралтын өдрөө үр бүтээлтэй өнгөрүүлэхийг урьж байна.

Өнөөдөр болон маргааш Дархан хотын иргэдэд “Дижитал Дархан-2023” арга хэмжээний үүд хаалга нээлттэй байх болно.