Татварын ерөнхий газрын дарга Б.Заяабал өнөөдөр (2023.05.23) татвар төлөгчдөд татварын зөвлөгөө өгч, тайлан гаргах үйлчилгээ үзүүлэн ажилладаг Татварын Мэргэшсэн Зөвлөхийн (ТМЗН) зөвшөөрөл бүхий 38 компанийн удирдах ажилтнуудтай уулзаж хамтын ажиллагаа, цаашдын зорилтоо ярилцлаа.

Уулзалтаар дараах асуудлуудыг ярилцаж, хэлэлцсэн байна. Үүнд:

 Татвар төлөгч, олон нийтэд чиглэсэн татварын боловсролыг дээшлүүлэхэд чиглэсэн төсөл, хөтөлбөрийг хэрэгжүүлж хамтран ажиллах.

 Татвар төлөгчийн ангилал бүрд тохирсон үйлчилгээ үзүүлэх талаар хамтран ажиллах ялангуяа жижиг, бичил татвар төлөгчидтэй хамтран ажиллаж, хууль даган мөрдөлтийг сайжруулах

Орон нутагт татварын хууль тогтоомжийн хэрэгжилтийг сайжруулах чиглэсэн үйл ажиллагааг тогтмол зохион байгуулах.

 Татварын мэргэшсэн зөвлөхийн нийгэмлэгүүд татварын хууль тогтоомжийн хэрэгжилттэй холбоотой сурталчилгааг олон нийтийн хэвлэл мэдээллийн хэрэгслээр тогтмол, давтамжтай явуулж байхад анхаарах.

Татвар төлөгчид Та бүхэн татварын бүх талын зөвлөгөө, үйлчилгээг татварын албанаас гадна ТМЗ компаниудад хандан авах нь татварын эрсдэлээс хамгаалагдах боломжтой болно.