Швейцарын хөгжлийн агентлагийн санхүүжилттэй Улаанбаатар хотын ахуйн хог хаягдлын цуглуулалт, тээвэрлэлтийн менежмент төслийн удирдах баг Сонгинохайрхан дүүрэгт хэрэгжиж буй загвар төслийн үйл ажиллагаатай өнөөдөр танилцлаа.
Төслийн хүрээнд 2, 3 дугаар хорооны 500 өрхөд ангилан ялгах зориулалтын хогийн савыг байршуулах, 36 дугаар хорооны нутаг дэвсгэрт байрлах Нарангийн төвлөрсөн хогийн цэгт хог хаягдал ангилан ялгах үйлдвэр барих, 2, 3-р хороодын нутаг дэвсгэрт үүсмэл хогийн цэг үүсэж болзошгүй нийтийн эзэмшлийн талбайд 15 камер суурилуулах, “Тохижилт цэвэрлэгээ үйлчилгээ” орон нутгийн өмчит аж ахуйн тооцоот үйлдвэрийн газарт Чанарын менежментийн удирдлага ISO 9001: 2015 стандарт нэвтрүүлэх ажлуудыг гүйцэтгэж байна.