өдөр
шөнө
×

Олон улс дамнасан зартай залилан мэхлэгчийг Шангри-Ла зочид буудлаас баривчлан саатуулж, их хэмжээний гадаад валют зэргийг хураан авчээ

Эрүүгийн цагдаагийн албаны Эдийн засгийн гэмт хэрэгтэй тэмцэх газраас 2021 оны 10 дугаар сарын 13-ны шөнө “Олон улс дамнасан, зохион байгуулалттай Нигер Улсын залилан мэхлэх гэмт бүлэглэлийн гишүүн, Америкийн Нэгдсэн Улсын иргэн А”-г дайчлан баривчилсан байна.

Тухайлбал, Америкийн Нэгдсэн Улсын иргэн А нь Америкийн Нэгдсэн Улсын эхний зургаад багтах хөрөнгө оруулалтын банкны нэрийг ашиглан, хуурамч цахим шуудан /и-мэйл хаяг/-аар Монгол Улсын нэр бүхий аж ахуйн нэгжтэй цахим орчинд холбоо тогтоон барьцаа хөрөнгө шаардахгүйгээр 300 сая ам.долларын санхүүжилт олгоно гэж итгүүлэн Монгол Улсад тус хөрөнгө оруулалтын банкны хуурамч төлөөлөгчийн итгэмжлэл үйлдэн, төлөөлөгчөөр энэ оны 9 дүгээр сард ирсэн байна.

Тэрээр Монгол Улсад ирсэн дариудаа Америкийн Нэгдсэн Улсын элчин сайдын яаманд очин дэд сайдын гарын үсэг болон тамга, тэмдэг бүхий албан бичгийг ашиглан албан бичиг дээрх гарын үсэг, тэмдгийг хуурамчаар үйлдэн хуурамч хөрөнгө оруулалтыг дэмжих баталгаа гаргуулан авсан байдаг аж. Улмаар уг хуурамч баталгааг ашиглан “хөрөнгө оруулалтыг элчин сайдын яамнаас баталсан” гэх ойлголт, итгэлийг Монгол Улсын аж ахуйн нэгжийн удирдлагуудад нэмж төрүүлэн 300 сая ам.долларын хөрөнгө оруулалтын баталгаанд шаардагдах 500 мянган ам.долларыг Монголын талаас нэхэмжлэн Хонг Конг Улсын арилжааны банк руу 5 хоногийн дотор шилжүүлэхийг шаардсан байна.

Тэгвэл Эрүүгийн цагдаагийн албаны Эдийн засгийн гэмт хэрэгтэй тэмцэх газраас Америкийн Нэгдсэн Улсын иргэн А-г энэ сарын 13-ний шөнө Шангри-Ла зочид буудлын тансаг өрөөнд Монгол Улсын 2 эмэгтэйтэй архидан согтуурч байхад нь дайчлан баривчилсан байна.

Дайчлах үеэр зочид буудлын өрөөнөөс их хэмжээний бэлэн гадаад валют, хуурамч санхүүгийн баримт бичиг, элчин сайдын яамны дэд сайдын хуурамч гарын үсэг, тэмдэг бүхий баталгаа, дижитал хэлбэрээр хадгалагдсан хөрөнгө оруулалтын гэрээ зэргийг хураан авсан байна.

Иймд Олон Улс дамнасан зохион байгуулалттай залилан мэхлэх гэмт бүлэглэлийн хохирогч болохгүйн тулд Монгол Улсын иргэн, аж ахуйн нэгжүүд нь гадаад улсын хөрөнгө оруулагч нартай гэрээ, хэлцэл хийх тохиолдолд тухайн улсаас Монгол Улсад суугаа элчин сайдын яамаар дамжуулан гэрээ, хэлцлийг баталгаажуулах /нотариат/, хөрөнгө оруулагч талд баталгаа /хөрөнгө оруулалт татах зорилготой банкны баталгаа болгож мөнгө шилжүүлэх тохиолдолд/ гаргуулах шаардлагатай байгааг анхааруулж байна.

 

Анхаар! Уншигчдын бичсэн сэтгэгдэлд http://www.newstv.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл (10)

  • Ккк (118.200.73.234)
    Коынд залилуулнаа.залхуу хүмүүс
    2021 оны 11 сарын 17 | Хариулах
  • Энхээ (172.70.143.64)
    Өнгөрсөн зууны 90ээд онд Филин билүү нэг америк эр ирж бас нэг иймэрхүү жүжиг тоглоод аавынд ял эдлээд буцсан даа! Үйлдэл нь төсөөтөй юм!
    2021 оны 10 сарын 24 | Хариулах
  • Зочин (172.69.252.134)
    Уг нь монголчууд минь гавал сайтай гайгуй сайн ухаантайдаа.Баяр хургье мундаг ажилласан байна шуу
    2021 оны 10 сарын 18 | Хариулах
  • Монгол (172.69.252.134)
    Монголчууддаа залилуулна,Казак нөхөрт залилуулна,одоо энэ бас юун Америк вэ...ийм гэнэн итгэмтгий ард түмэн үү.амар хялбар аргаар ямарч мөнгө олдохгүй шүү дээ.МУ.д хууль,шүүх засаглал л шударга ажилладаг бвл хэн ч биднийг залилуулахгүй гж бодож бна
    2021 оны 10 сарын 17 | Хариулах
  • Г.ганбат (172.69.252.150)
    Ариач дээ!! Бачуурч байна шүү!МАн эрх баригчдад сэтгэл зүрхээ яаж ойлгууллаа мэдэхгүй байна? Би танай намын төлөөлөлтэй эй алалцах уу?
    2021 оны 10 сарын 17 | Хариулах
  • Зочин (172.69.252.132)
    Ed nar 50kUS-oor xyn oruulna geed baisan iim xulgaich nariig oruulax geed baigaa yum baina l daa.
    2021 оны 10 сарын 17 | Хариулах
  • Зочин (172.69.252.148)
    Халтар дарга ч тийм хүн биш дээ.
    2021 оны 10 сарын 17 | Хариулах
    • уншигч(172.69.252.134)
      Шугардаад байгаарай чи Унш л даа унш бэсдү минь
      2021 оны 10 сарын 17
    • Zochin(172.69.45.138)
      Unshildaa sdaka
      2021 оны 10 сарын 17
    • Zochin(172.69.45.138)
      Unshildaa sdaka.
      2021 оны 10 сарын 17
Top