Ардчилсан Залуучуудын холбооны Ерөнхийлөгч С.Эрдэнэболд нэрт хөгжмийн зохиолч С.Гончигсумлаа гуайн талаар хэлсэн үгнийхээ төлөө олон нийтээс уучлал гуйжээ.

Тодруулбал тэрээр энэ талаар цахим хуудастаа:

“УУЧЛАЛ ГУЙЖ БАЙНА

Санаачилж буй төсөлтэй маань холбоотойгоор 25 дугаар суваг телевизийн Танайд хоноё нэвтрүүлэг санал тавьсан юм. Бурхан бүтээж, хөгжим урладаг байсан өвөг дээдсийнхээ хэлмэгдэж явсан тухай ярих явцдаа Монголын хөгжмийн нэрт оргил С.Гончигсумлаа гуайн тухай зохимжгүй жишээ татжээ. Яг тэр хэсгийг нь үзсэн хүмүүсийн эгдүүцэл төрөхөөр болсон байна. Үүндээ чин сэтгэлээсээ уучлал хүсэж байна. Өөрийн дотор байдаг хүнээс тэс өөрөөр ойлгогдох алдаа гаргаснаа хүлээн зөвшөөрч дахин давтахгүй байхыг хичээнээ. Шүүмж, сэтгэгдлээ бичсэн хүмүүсийг ойлгон хүндэтгэж буйгаа энэ дашрамд илэрхийлье!” хэмээн бичжээ.