Анагаахын Шинжлэх Ухааны Үндэсний Их Сургуулийн дэд захирал Гүнчингийн Батбаатарын хамаарал бүхий компани Эрүүл мэндийн яаманд хагас тэрбумын үнэтэй тоног төхөөрөмж нийлүүлсэн тухай баримтыг бид хөндөж байна.
Тодруулбал, Г.Батбаатарын төрсөн хүүхэд болох Б.Энэрэлийн 100 хувийн эзэмшлийн Антиген ХХК 2021 оны гуравдугаар сард Эрүүл мэндийн яаманд 560,000,000 сая төгрөгийн үнэтэй молекул биологийн лабораторийн тоног төхөөрөмжийг нийлүүлсэн тухай баримт тус яамны шилэн дансанд байна.
Эрүүл мэндийн сайд асан Т.Мөнхсайхан 2021 оны 1 дүгээр сарын 15-ний өдөр Улсын нэгдүгээр төв эмнэлгийн харьяанд молекул биологийн түр лабораторийг хоёр сарын хугацаатайгаар байгуулах тухай А/19 тоот тушаалыг гаргаж, уг тушаалын нэгдүгээр хавсралтаар тус түр лобарторид шаардлагатай 1 тэрбум 595 сая төгрөгийн тоног төхөөрөмжийг жагсаалтаар баталсан байдаг аж.
Харин энэхүү тоног төхөөрөмжийн худалдан авалт одоогийн Эрүүл мэндийн сайд С.Энхболдын үед хийгдсэн байна.
Сэтгэгдэл (8)