Сөүл-Улаанбаатар чиглэлийн нислэгээр УИХ-ын гишүүн Ш.Раднаасэд гэргий Б.Хонгорзулын хамтаар эх орондоо ирсэн болох нь Гадаад харилцааны яамны Консулын газраас өгсөн мэдээллээр тодорхой боллоо.
Тэрээр ачаа тээврийн онгоцоор бус АНУ-ын Элчин сайдын яамны захиалгат нислэгээр Улаанбаатар элчин сайдын яамны 32 ажилтны хамтаар өчигдөр буюу нэгдүгээр сарын 6-7-нд шилжих шөнийн 00:30 цагт Чингис хаан олон улсын нисэх онгоцны буудалд газардсан байна.
БНСУ-аас эх орондоо ирэх хүсэлтэй иргэдийн өмнүүр оочер дайран ирсэн тэрээр, “Би өчигдөр шөнө ачаа тээврийн онгоцоор эх орондоо ирээгүй. БНСУ руу эрүүл мэндийн шалтгаанаар яваад, шинэ оны өмнө тусгай үүргийн нислэгээр эх орондоо ирсэн. Миний тусгаарлалтын хугацаа хэдийн дуусаад, УИХ-ын чуулгандаа оролцож байна” гэх мэдээллийг өнөөдөр хэвлэлд өгсөн байсан юм.
ЭХ СУРВАЛЖ: NEWSTV.MN
Сэтгэгдэл (37)