"Мөнх-Хада" ХХК-ийн хоёр ажилтнаас халдвар илэрсэн талаар ЭМЯ-наас мэдээллээ. Эдгээр хүмүүсийн тухайд хаанаас халдвар авсан тодорхойгүй байгаа бөгөөд хавьтал тодорхойлох тандалт судалгаа хийгдэж байгаа юм байна.

Энэ талаар ХӨСҮТ-ийн Тандалт судалгааны албаны дарга А.Амбасэлмаа, "Мөнх-Хада компанид нийтдээ 116 ажилтан ажиллаж байгаас ойрын хавьтлын 24 хүнийг тусгаарлаад байна. Хоёрдогч хавьтал 92 хүн байна. Нийт хүмүүсийг тандалт судалгаа шинжилгээнд хамруулаад явж байна" гэлээ.