Монголбанкны ерөнхийлөгч Б.Лхагвасүрэн албан тушаалаасаа огцрох нь цаг хугацааны асуудал болоод байна. Тэгвэл тэрээр огцрохоосоо өмнө өөрийнхөө гарын үсэг бүхий шинэ мөнгөн дэвсгэртүүдийг ковидоор далимдуулан хэвлүүлж, гүйлгээнд оруулах санаархалтай байгаагаа илэрхийлжээ.
Тодруулбал тэрээр, “Бэлэн мөнгөөр ковид тархах өндөр магадлалтай гэсэн олон улсын туршлагууд байна. Тиймээс аль болох бэлэн мөнгөөр үйлчлүүлэхгүй байх хэрэгтэй байна. Үнэхээр бэлэн мөнгөөр үйлчлүүлэх тохиолдолд тэр бэлэн мөнгө нь шинэ дэвсгэртээр байх, илүү ариутгасан байх хэрэгтэй байна. Иймээс шинээр хэвлэгдсэн мөнгөн тэмдэгтийг улсын хилээр саадгүй оруулж ирэх, цаг хугацаа алдалгүйгээр шинэ мөнгөн дэвсгэртийг гүйлгээнд гаргахад туслах хүсэлтийг тавьсан” хэмээн ярьсан байна.
Энэ талаар Шилэн Цогоо “Коронагаас болж шинэ дэвсгэрт хэвлэнэ! Муу юмандаа тархины хурд мурд бол гэрлийн хурдаас 1000 дахин хурдан ажиллана. Мөнгөн дэвсгэрт дээр Монголбанкны Ерөнхийлөгч нар гарын үсэг зурдаг байдлыг болиулахгүй бол огцрохоосоо өмнө заавал амжуулах DreamList-ийн жагсаалт байсаар ирлээ дээ. Зуд болохоор нохой зоолно гэж ардын үг юутай үнэн. Салбар бүртээ нүдээ аниад зулгаацгааж байна даа хөөрхийc” хэмээн цахим хуудастаа бичжээ.
Сэтгэгдэл (6)