УИХ-ын гишүүн Б.Пүрэвдорж: Төрийн болон орон нутгийн оролцоотой 500 гаруй компани байдаг. Эдгээр 500 гаруй компани төрийн өмчийнх байхаа больсон. Энэ бол цэвэр хувийн өмч болсон. Томоохон аж ахуй нэгжийн захирлаар нь их хурлын сонгуульд явсан цүнх баригч нар, орон нутгийн өмчийн компаниуд дээр иргэдийн нийтийн хурлын сонгуульд явсан хүмүүс бүгдээрээ очиж суудаг болсон. Цүнх барьсан хүнийхээ хамаатан садан, өөрийнхөө хамаатан садан, найз нөхдөө аваачиж байгаад тонон дээрэмддэг ийм ажиллагаа төрийн өмчийн компаниуд дээр бий болж байна.
Одоо тэр хүмүүс бүр дураараа дургиж, дунд чөмгөөрөө жиргэж байгаа. 200 сая төгрөгөөр авсан автомашиныг хоёрхон жил уначихаад буцаагаад таван сая төгрөгөөр хувьдаа авч байгаа ийм үзэгдэл байна. Тэр үйлдлэлд нь хариуцлага тооцохгүй болохоор ингээд идэж уугаад байж болдог юм байна гэдэг үзэгдэл газар авч байна.
Сэтгэгдэл (6)