Баянгол дүүргийн ИТХ-д МАН 20, АН 18, ХҮН 2, МАХН-ын 1 төлөөлөгч сонгогдсон. Гэтэл тус дүүргийн ИТХ-ын сонгуульд МАХН-аас нэр дэвшин сонгогдсон Э.Магнайбаяр МАН-д элссэн нь сонгогчдын дургүйцлийг төрүүлжээ. Тиймээс иргэд дургүйцлээ идэрхийлэн түүн рүү өндөг шидэж эсэргүүцлээ илэрхийлсэн байна. Тэрээр нэр дэвшиж байх үедээ "МАН-ын луйвар, булхай, дээрмийг таслан зогсооно" гэж БГД-ийн сонгогчдод амлаж байжээ.

Э.Магнайбаяр энэ асуудлаар "Баянгол дүүргийнхээ 220 мянган иргэдийн эрх ашгийг бодоод МАН-д элсэж байна. Цаг хугацаа бүхнийг шүүнэ. Дэвтэр дүүрэн захиа даалгаврыг сонгогчдоосоо авсан. МАН-д элссэн явдлыг үүнийгээ хэрэгжүүлэх боломж гэж харж байна” гэх байр суурийг илэрхийлжээ.

Зарим хэвлэлд түүнийг 200 саяар өөрийгөө “зарсан” гэх мэдээллийг бичсэн байна.