Монгол Улсын Ерөнхийлөгч асан Ц.Элбэгдорж Өвөрмонголчууд үндэсний хэлээрээ суралцах боломжгүй болсныг буруушааж БНХАУ-ын дарга Ши Жиньпинд хандан захидал илгээсэнтэй холбогдуулан БНХАУ-аас Монгол Улсад суугаа Элчин сайд мэдэгдэл гаргажээ.
БНХАУ-аас МУ-д суугаа Элчин сайд Цай Вэньруй энэ талаар, “ӨМӨЗО-той холбоотой бүх асуудал Хятал улсын дотоодын хэрэг бөгөөд гадны хүчин хөндлөнгөөс оролцох учиргүй байдаг. Таны Хятадын удирдагчид хандаж илгээсэн захидалд дурдсан үзэл санааг огт буруу гэж үзэж байна. Үүнийг Хятадын тал хүлээн авахгүй тул үүгээр таны захидлыг буцааж байгааг мэдэгдэж байна. Таныг хоёр улсын харилцааг харгалзаж БНХАУ-ын бүрэн эрхийг хүндэтгэж, үнэ бодит байдлыг ухааран ойлгож, зөв байр суурийг баримтлан энэ асуудлаар шуугиулахаа болихыг хүсэж байна” хэмээн мэдэгдэл гаргажээ.
Элчин сайд Цай Вэньруй өмнө нь Ерөнхийлөгч асан Ц.Элбэгдоржийг “Монгол, Хятадын харилцааг өдөөн хатгаж буй хоёр нүүртэн” хэмээн хэвлэлээр шүүмжилж байв.
Сэтгэгдэл (6)