Дансандаа 1.6 тэрбум төгрөгийн хадгаламжтай Ерөнхий сайд У.Хүрэлсүх төрийн албан хаагчдыг зөвхөн цалингаараа амьдар хэмээн мэдэгджээ.
Тодруулбал тэрээр Эрчим хүчний яамны ажилчидтай уулзах үеэрээ “Монгол төр төр шиг байгаасай гэж хүсч байна. Монголын төрийн албан хаагчид халтар цаасны өмнө бөхийж болохгүй. Төрийн албан хаагч хүн өөрсдийгөө худалдаж болохгүй. Төрийн албанд зүтгэж байгаагаараа бахархах хэрэгтэй. Ачааных нь хамгийн хүндийг үүрэх гэж та бүхэн төрийн албанд орсон юм. Та бүхэн бол төрөөс өгч байгаа цалингаар амьдрах ёстой хүмүүс.
Төрийн албаны цалин амьдралд чинь хүрэлцэхгүй, илүү мөнгө авъя гэж бодож байгаа бол хувийн хэвшилдээ ажиллах бүрэн боломжтой. Энэ албандаа үнэнч, шударга зүтгэж ажиллахыг хүсч байна. Та бүхэн маань мэдлэг боловсролтой, үнэнч шударгаар ажиллавал Монголын төрийн хүчин чадал нэмэгдэнэ" хэмээн мэдэгджээ.
Ерөнхий сайд У.Хүрэлсүхийн Хөрөнгө орлогын мэдүүлэг:
У.Хүрэлсүхийн өөрийн жилийн орлого 165,9 сая төгрөг бол гэр бүлийн бусад гишүүд нь орлогогүй.
Тэрээр 162,4 сая төгрөгөөр үнэлэгдэх 1 орон сууцтай, 284 сая төгрөгийн өртөг бүхий автомашин мотоцикльтэй. Үүнд: Суудлын жижиг машин,Mercedes Benz, ML320- 1,Мотоцикл,Harley Davidson, Harley Davidson- 1,Жийп болон туулах чадвар өндөр,Lexus, 570- 1 зэрэг авто хүлгүүд багтдаг байна.
Түүнчлэн тэрээр дотоодын банкинд 1 тэрбум 694 сая төгрөгийн хадгаламжтай, 100 сая төгрөгийн үнэт эдлэлтэй хэмээн АТГ-т мэдүүлжээ.
Сэтгэгдэл (8)