УИХ дахь АН-ын бүлгийн зөвлөх П.Энхмөнхийн хүчингийн хэрэгт холбогдож явсан үеийн зарим баримтуудыг @Batdojr_j гэх хаягтай жиргээч твиттер сүлжээнд дэлгэжээ.
Тус хэрэг 2013 оны 10-р сарын 13-ны өдрийн 18:00 цагийн үед Сүхбаатар дүүргийн 3-р хорооны нутаг дэвсгэрт Г.Дэлгэрмаа өөрийн компанийн байрандаа “Мон-Эрдэнэ” компанийн захирал П.Энхмөнхтэй ажил хэргийн шугамаар уулзахаас эхэлсэн бөгөөд энэ үедээ тэрээр П.Энхмөнхөд зүй бусаар хүчиндүүлжээ.
Тухайн үед Сүхбаатар дүүргийн цагдаагийн 1-р хэлтсийн албан хаагчид холбогдох мөрдөн шалгах ажиллагааг явуулж, эд мөрийн баримтуудыг шүүх шинжилгээнд хамруулах зэргээр маш олон мөрдлөгийг явуулсны эцэст хэрэг нотлогдсон гэж дүгнэн эрүүгийн хуулийн 126.1 зүйл ангиар яллагдагч П.Энхмөнхөд ял төлөвлөн прокурорын байгууллагад шилжүүлсэн байна. http://www.grandnews.mn/content/read/74511.htm
Гэтэл хэрэгт хяналт тавин ажиллаж байсан Сүхбаатар дүүргийн хяналтын прокурор П.Мөнхцэцэг тус хэргийг гэмт хэргийн бүрэлдэхүүнгүй гэх үндэслэлээр хэрэгсэхгүй болгож шийдвэрлэж байжээ.
Улмаар хохирогч Г.Дэлгэрмаагийн зүгээс дээд шатны прокурорт өргөдөл гаргаснаар Улсын ерөнхий прокурорын газраас 2014 оны 12-р сарын 1-ний өдөр тус хэргийг дахин сэргээж шүүхээр шийдвэрлүүлэх шаардлагатай гэсэн дүгнэлт үйлджээ.
Гэтэл уг дүгнэлт гарахын өмнөх өдөр нь П.Энхмөнх Монгол улсын хилээр оргон зайлсан тул Цагдаагийн байгууллагын зүгээс эрэн сурвалжлах ажиллагааг зохион байгуулж П.Энхмөнхийг АНУ-д амьдарч байгааг олж тогтоосон байна.
Ингээд уг хэрэг явдлаас хойш 2 жилийн дараа тэрээр Монголд эргэж ирээд Сэтгэл мэдрэлийн өвчтэй, хэрэг хүлээх чадваргүй гэх үндэслэлээр 0201301041920 тоот хэргээ хаалгасан байдаг ажээ.
Сэтгэгдэл (7)