Никитон хамтлагийн дуучин Б.Батчулуун, дуучин С.Сэрчмаа нарын ёс зүйгүй яриа олны дургүйцлийг төрүүлж харилцагч байгууллагууд нь тэдэнтэй хамтарч ажиллахгүй болсон тухайгаа илэрхийлсээр байна.

Тухайлбал, Капитрон банк дуучин Ц.Батчулуунтай байгуулсан хамтын ажиллагааны гэрээгээ цуцалсан тухайгаа мэдэгдсэн бол 25-р суваг телевиз “Манай телевизтэй хамтран ажиллаж, "Nyambaa&Sally's home" нэвтрүүлгийг бэлтгэн гаргаж байсан дуучин С.Сэрчмаа өөрийн фэйсбүүкээр цахим орчинд ёс зүйгүй үйлдэл гаргасанд гүнээ харамсаж, үзэгчид та бүхнээсээ уучлал хүсье” хэмээгээд цаашид тус телевиз "Nyambaa&Sally's home" нэвтрүүлгийг эфирт гаргахгүй болсныг мэдэгдчихлээ.

Харин болсон явдлын талаар Ц.Батчулуун дараах байр суурийг цахим хуудастаа илэрхийлжээ. Тэрбээр энэ талаар, “Сээлийгийн нэвтрүүлэгт орчихоод хот орох ажилтай учир Сээлийгийн машинд дайгдаад яармагаас хот хүртэл 6 цаг гаран түгжирсэн юм. Тэр хооронд лайв хийгээд хэсэг онигоо ярив. Би ч дотроо санаа зовжил байлаа.... Арай л хаард онигоо ярьчихав уу даа гээд... Уг нь ч хот тэр чигтээ түгжрээд бухимдалтай байхад нь жоохон ч гэсэн хөгжөөе гэсэн санаатай байсийм уул нь.... даан ч хужир нь ихдээд түмэн олныг дэндүү бухимдуулчихлаа.

Олон нийтийн сүлжээгээр болох болохгүй зүйл донгоссон нь миний түмэн буруу. Та бүгдийг энэ өвчин зовлон гээд сэтгэл санаа хүнд байхад нэмэр болохын оронд нэрмээс болж стрэстүүлсэндээ томоос том хүлцэл өчье. +18 онигоог хүн бүхэн л дор бүрдээ ярьдаг байх .... гол нь олон нийтийн сүлжээгээр ярих ч юм байна ярихгүй ч юм байна гэдгийг хүмүүс анзаарч сургамж авсан биз ээ. Надад бол томоос том сургамж боллоо.Харин Сэрчмаад ямар ч буруу байхгүй шүү! Би л гэж нэг шаврын хаалт машинд нь үсэрч суугаад садар самуун онигоо яриад Сээлийгээ хөлдөө чирчихлээ инээд муутай л даа Сэрчмаа . Байнга л инээж явдгын. Харин хазайсан дээр нь гэгчээр Капитрон банк, яруу найрагч Шүүдэрцэцэг, хийлч Байгалаа, дуучин Ариунаа болон нүүр буруулж буй бүх хүмүүст хэлэхэд онигоо ярьсан болохоос гэмт хэрэг хийгээгүй шүү дээ! Бүү туйлшрал даа л гэж хэлье дээ. Олон нийтийн сүлжээнд садар самуун онигоо ярьсан би тэнэг” гэх үгийг бичжээ.