УИХ-ын нэгдсэн чуулганы өнөөдрийн хуралдаанаар “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хэрэгжилтийг сонсож байна.
Энэ үеэр УИХ-ын гишүүн Д.Ганбат дараах байр суурийг хэллээ. Тэрбээр, “Өнөөдөр байдал маш хүнд байна. Короновирус гэдэг юм орж ирээд бараг хоёр жил болчихлоо. Короновирусын өмнө байсан дэлхий ертөнц короновирусын дараа дахиад тэр байдалдаа хэзээ ч очихгүй гэсэн судалгаа байгаа. Үүнийг бүгд ойлгож байгаа байх. Эдийн засгаа сэргээж, эрүүл мэндээ хадгалъя гэсэн 10 их наядын төлөвлөгөө гаргаад ажиллаж байгаа юм байна. Гэхдээ энэ гаргаж байгаа мөнгө хийж байгаа ажлыг чинь харьцуулаад харах юм бол их муу байна. Өнөөдрийн танилцуулгад ядаж Ерөнхий сайд нь ч алга байна.
Өчигдөрхөн Засгийн газраас 14 хоногийн хөл хорио тогтоож, хүн бүрт 300 мянган төгрөг олгох арга хэмжээ авсан байна. Хэдийгээр оройтсон ч гэсэн энэ бол зөв зүйтэй арга хэмжээ. Энэ арга хэмжээгээ аль эрт авах ёстой байсан юм. Энэ бүхнийг хийлгүй явсаар байгаад энэ короновирус улс орны хэмжээнд арван мянга даваад явчихлаа. Харин Говь-Алтай, Дундговь, Өмнөговь гэсэн гуравхан аймаг л халдваргүй байна гэж байна. Энэ бүхэн бол Ардчилсан нам засагладаг аймгууд л даа. Арай л хариуцлагатай ажиллаж байгаа байхгүй юу. Бусад газар бол арай дэндүү байна” гэлээ.
Сэтгэгдэл (11)